Քսենոփոնը հայաստանի մասին
Զորավարները որոշեցին, որ պետք է իջնել լեռների միջով դեպի կարդուխների երկիրը* քանզի ասել էին, թե նրանց երկրով անցնելուց հետո կհասնեն Արմենիա, որին իշխում էր Օրոնտասը,** և որը մեծ էր ու հարուստ…
Տներն այստեղ գետնափոր էին. մուտքը՝ ինչպես ջրհորի բերան, իսկ ներքևի մասն՝ ընդարձակ: Մինչդեռ անասունների համար մուտքը փորված էր [հողի մեջ], մարդիկ ցած էին իջնում աստիճաններով… Այնտեղ կային նաև ցորեն ու գարի և ընդեղեն և կավանոթների մեջ գարուց պատրաստված գինի, որի երեսին լողում էին գարու հատիկներ. կավանոթների մեջ կային նաև եղեգներ՝ մեծ ու փոքր, առանց ծնկի: Ծարավելու դեպքում մարդ պետք էր այդ եղեգի ծայրը բերանին դներ ու ծծեր: Եվ այն շատ թունդ էր, եթե ջուր չխառնեին, իսկ սովոր մարդու համար շատ ախորժելի ըմպելիք էր***…
*-Այսինքն՝ Կորդվաց աշխարհը:
**-Խոսքը Երվանդ ||-ի մասին է:
***-Խոսքը հենց գարեջրի մասին է: